Tryggingastofnun ríkisins

Meginhlutverk Tryggingastofnunar er að framfylgja lögum um almannatryggingar nr. 100/2007, lögum um félagslega aðstoð nr. 99/2007, lögum um greiðslur til foreldra langveikra eða alvarlega fatlaðra barna nr. 22/2006 og lögum um réttindi lifandi líffæragjafa til tímabundinnar fjárhagsaðstoðar nr. 40/2009. TR sér um örorkulífeyri, styrki við bifreiðakaup og aðra fjárhagsaðstoð eða þjónustu svo sem fjölskyldu- og vistunarmál. TR starfar einnig samkvæmt fjölmörgum reglugerðum frá félags- og vinnumarkaðsráðuneytinu.

Á vef island.is eru allar upplýsingar um málefni fólks með fatlanir, þ.e. um greiningu, fjárhagsaðstoð, félagsþjónustu, örorku og réttindi.

Allar umsóknir um lífeyri, bætur og styrki hjá TR skulu vera undirritaðar af umsækjanda sjálfum. Forsjáraðila er þó heimilt að undirrita umsókn um örorkulífeyri fyrir 18 ára aldur umsækjanda. Á vef TR er  listi yfir eyðublöð fyrir umsóknir um styrk eða bætur sem bjóðast hjá stofnuninni. Umsókn er fyllt út í gegnum „Mínar síður” á vef TR.

Undir liðnum Örorkulífeyrir, styrkir og bætur  hér til hægri eru teknar saman helstu upplýsingar þar um á vef TR. 

Á landsbyggðinni reka Tryggingastofnun og Sjúkratryggingar umboðsskrifstofur. Flestar þeirra eru staðsettar í húsnæði sýslumanna á hverju svæði.