Fjárhagsvandi

Ýmis aðstoð er í boði fyrir þá sem eiga erfitt með að láta enda ná saman fjárhagslega.
Hér fyrir neðan eru taldar upp nokkrar stofnanir og fyrirtæki sem geta veitt aðstoð.

Fjárhagsaðstoð og félagsþjónusta sveitarfélaga

Fjárhagsaðstoð sveitarfélaga er veitt samkvæmt lögum um félagsþjónustu sveitarfélaga en hvert sveitarfélag setur sér reglur um framkvæmdina. Samband íslenskra sveitarfélaga greinir frá reglum um fjárhagsaðstoð og félagaslega ráðgjöf á vef sínum. 

Fljótlegt er að finna sveitarfélögin á vef Sambands sveitarfélaganna. Bendlinum er rennt yfir Íslandskortið, smellt á viðkomandi landsvæði og nærmynd af því birtist með sveitarfélögunum. Þegar smellt er á sveitarfélag birtast allar upplýsingar um það neðan við nærmyndina.

Fjármálaráðgjöf

Umboðsmaður skuldara

Á vef umboðsmanns skuldara segir að hlutverk embættisins samkvæmt lögum sé að:

  • Veita einstaklingum sem eiga í verulegum greiðsluerfiðleikum endurgjaldslausa aðstoð við að öðlast heildarsýn á fjármál sín og leita leiða til lausnar
  • Hafa milligöngu um samninga við kröfuhafa
  • Framkvæmd greiðsluaðlögunar, sbr. lög nr. 101/2010
  • Útbúa framfærsluviðmið og uppfæra það reglulega
  • Taka við erindum og ábendingum skuldara um ágalla á lánastarfsemi og senda áfram til viðeigandi eftirlitsstjórnvalds
  • Gæta hagsmuna skuldara og veita þeim aðstoð þegar við á
  • Veita alhliða ráðgjöf og fræðslu um fjármál heimilanna
  • Veita fjárhagsaðstoð vegna skiptakostnaðar, sbr. lög nr. 9/2014

Á vef umboðsmanns er einnig ítarlegur fróðleikur um fjármál, t.d. um það hvernig hægt sé að forðast greiðsluvanda. Einnig er hægt að hala niður Exel skjali sem er þegar hannað fyrir heimilisbókhald. Það eina sem þarf að gera er að fylla út í skjalið. kunnáttu á Excel er krafist

Fjölskylduhjálp Íslands

Fjölskylduhjálp hefur það hlutverk að hjálpa öllum landsmönnum sem stríða við fátækt. Aðalstarfsemi Fjölskylduhjálparinnar felst í að aðstoða fátækt fólk með matvæli, lyf, hársnyrtingu, fatnað, ungbarnavörur og leikföng segir á vef hennar.

Úthlutun Fjölskylduhjálparinnar er í  Iðufelli 14, Reykjavík og Baldursgötu 14, Reykjanesbæ. Fjölskylduhjálp Íslands hefur eitt netfang fyrir báða staði. 

Fjölskylduhjálpin er með síðu á Facebook. Þar má fylgjast með starfseminni.

Hagsmunasamtök heimilanna

Hagsmunasamtök heimilanna voru stofnuð 15. janúar 2009 í þeim tilgangi að berjast fyrir almennri leiðréttingu lána og afnámi verðtryggingar eins og kemur fram á vefsíðu samtakanna.

Hjálparstarf kirkjunnar

Hjálparstarf kirkjunnar veitir bágstöddum um allt land aðstoð, árið um kring eins og kemur fram á vefsíðu hjálparstarfsins. Félagsráðgjafar og sjálfboðaliðar á vegum Hjálparstarfsins veita ráðgjöf og aðstoð eftir aðstæðum. Barnafjölskyldur geta fengið inneignarkort í matvöruverslunum en einstaklingum er vísað á aðrar stofnanir varðandi mat. Allir geta sótt um aðstoð við að leysa út lyf, fengið stuðning við skólagöngu og tómstundir barna, fatnað og fleira eftir aðstæðum. Hægt er að fá einstaklings- og fjölskylduráðgjöf, fjármálaráðgjöf og markþjálfun, allt ókeypis hjá reyndu fagfólki. Auk þess er hægt að sækja um sérstaka jólaaðstoð.
Athuga þarf að öllum umsóknum þurfa að fylgja gögn varðandi tekjur og gjöld umsækjanda.
Tekið er við umsóknum á miðvikudögum kl. 12-16 og úthlutun fer svo fram viku síðar. Föt eru afgreidd á þriðjudögum kl. 10-12.

Mæðrastyrksnefnd Reykjavíkur

MATARÚTHLUTANIR Í NÓVEMBER 2021: Þriðjudagar 16. 23. og 30. nóvember, opið 12-14. Miðvikudagar 17. 24. nóvember og 1. desember, opið 12-14. Muna pokana! GRÍMUSKYLDA! JÓLAAÐSTOÐ: Umsóknir um jólaaðstoð eru dagana 2. 3. 6. og 7. desember í Hátúni 12b. Opið 10 til 13. Skila þarf skattframtali 2021. Það má senda framtalið á maedur@simnet.is.

Mæðrastyrksnefnd Reykjavíkur úthlutar matvælum til fjölskyldna hvern miðvikudag kl. 13:00-15:00 að Hátúni 12. Úthlutun matar til einstaklinga er hvern þriðjudag kl. 12.00-14:00. Fatnaði og ýmsum smávörum er úthlutað fyrsta miðvikudag í hverjum mánuði. Nýfædd börn fá gjafapakka með fatnaði og öðrum nauðsynjum. Sérstök jólaúthlutun er fastur liður í starfseminni og hefur hún hin síðustu ár verið í samstarfi við Hjálparstarf kirkjunnar og Rauða kross Íslands. Veittir hafa verið fermingarstyrkir á hverju vori.

Mæðrastyrksnefnd Hafnarfjarðar

Mæðrastyrksnefnd Hafnarfjarðar er með matarúthlutanir fyrir jólin og er einnig mögulegt að fá matarúthlutun vegna ferminga og stundum eru matarúthlutanir fyrir páska.

Úrræði vegna lána

Í sumum tilfellum er hægt að fresta greiðslu lána eða að frysta lánin:

Athugið að efni hér fyrir ofan er fengið af vef viðkomandi stofnana/fyrirtækja.